雖然話大英帝國最輝煌嘅日子已經過去，但係香港依然有唔少人依戀緊英國嘅統治，會得閒出街揮動吓個枝殖民地時代嘅香港旗。講開大英帝國沒落，英國導演大衛連嘅電影就正正係大英帝國沒落嘅代言人。今次陶傑影評會講吓佢嘅作品，亦都繼續請嚟甘國亮同我回顧吓當年嘅好戲。身為編劇嘅甘生好欣賞劇作家田納斯威廉斯筆下嘅故事，好似《慾望號街車》咁。佢仲話馬龍白蘭度係當中粗獷嘅外形竟然可以成為性感象徵，實在係好難得。我諗難得嘅，除咗係當年嘅電影，仲有嗰時社會嘅氣氛，嗰時入戲院嘅心情。時移勢易，你睇吓枝旗嘅顏色都唔同咗，好多野仲點會有以前咁美好呀，吓哇！